Ny andron'ny 21 aogositra moa no fankalazan'ny Fiangonana ny fetin'ny Olontsambatra Victoire Rasoamanarivo, izay mpiahy ny Ankohonana katolika eto Roma. Saingy maro ny tsy teto an-tanàna tamin'io volana aogositra io noho ny fialan-tsasatra ka ny alahady 8 oktobra 2023 no nankalazana izany.
I mgr Jean Pascal, evekan'Antsirabe, no nitarika ny Sorona Masina izay niarahany natolotra tamin'i mgr Donatien evekan' Ambanja sy ireo pretra maromaro avy eto Roma sy ny manodidina.
Fiaraha-misakafon'ny mpianakavy sy korana no nanohizana ny fotoana taorian'izay.
