Miarahaba antsika rehetra indray !
Misaotra antsika rehetra tonga niaraka nivavaka tamin’ny alahady 16 marsa 2025 teo. P. Pascal no nitarika ny sorona masina tamin’izany, niaraka tamin’i P. Désiré. Ny M.D.M.K. no nanomana sy nanentana ny litorjia ary i Mr Silvestro no teo amin’ny fitendrena zavamaneno.
Anjaran’ny ELVIR indray ny manomana sy manentana ny litorjia amin’ny 23 mars 2025 izao, alahady fahatelo amin’ny karemy (D). Mbola izy ireo ihany koa no hitady fotoana handiovan’izy ireo ny fiangonantsika, san Macuto-Bellarmino, ho an’ny volana avrily 2025.
Hanao ny “récollection” fiomanana amin’ny Paka isika amin’ny alahady 23 mars 2025 izao. Araka ny efa nampahafantarina antsika dia ny taratasin’i Papa Fransoa ho an’ny karemy 2025 no hanaovana tari-kevitra sy hifampizarantsika. Ho toy izao ny firafitry ny fandaharam-potoanantsika amin’io andro io : atomboka amin’ny lamesa (9:45) ; tohizana amin’ny “tari-dresaka” (11:15) ; sakafo atoandro (12:30) ; fifampizarana isaky ny gropy [gropy mbola harafitra] (14:00) ; vavaka famaranana miaraka (15:00). Ankoatr’ireo fotoana sasany hahafahana manatona pretra ho an’izay te-hikofesy mandritra io andro io, dia azo atao ihany koa ny tonga aloha : afaka mampikofesy i P. Pascal manomboka amin’ny 8:45 ka hatramin’ny 9:40.
Tokony hisy vavaka iraisana ao amin’ny FFKM-Roma isika amin’ny tolakandron’ny alahady 30 marsa 2025 (fahatsiarovana manokana ny 29 marsa). Tsy hisy amin’io fotoana io fa hojerena amin’izay fotoana mampety azy amin’ny manaraka.
Nihaona ny Biraon’ny Ankohonana Rasoamanarivo tamin’ny sabotsy 15 marsa 2025 teo. Ankoatr’ireo fifanakalozam-baovao, dia noresahina manokana ny momba ny “Giubileo dei Migranti” izay handraisan’ireo aumôneries rehetra anjara amin’ny 4 sy 5 ôktôbra 2025. Nodinihina manokana ihany koa ny momba ny “chorale” n’ny Ankohonana Rasoamanarivo. Eto dia isaorana manokana ireo izay efa nanao ezaka amin’ny fananganana ny chorale. Rehefa natao anefa ny jeritodika sy tombatombana dia mila miverina ifotony isika mba ho tsara orina ny “chorale”. Ny tanjona dia mba ho chorale taratry ny firaisantsika - ka isika rehetra ao amin’ny Ankohonana no mifandinika, mifandamina ary manatanteraka – ary mba hanampy sy hampientanentana ny rehetra amin’ny fiderana an’And/tra.
Mirary herinandro sambatra ho antsika rehetra !
P. Pascal, sj