Miarahaba antsika rehetra !
Vita tamin’ny alahady 16 novambra teo ny vokatra nokarakarain’ny Ankohonana Rasoamanarivo-Roma. Natomboka tamin’ny fandraisana ny vokatra ny fotoana ary notohizana tamin’ny fankalazana ny sorona masina. P. Pascal no nitarika izany, niaraka tamin’ireo pretra tonga maro teny an-toerana. Ny M.D.M.K. no nanomana sy nanentana ny litorjia ; Mr Silvestro no teo amin’ny fitendrena zavamaneno. Avy eo dia nitohy tamin’ny fiaraha-misakafo sy fanaovana ny vokatra ny fotoana. Eto dia mamerina ny fankasitrahana antsika rehetra tamin’ny fandraisana anjara mavitrika nasehontsika tamin’iny vokatra iny.
Anjaran’ny ELVIR indray ny manomana sy manentana ny litorjia amin’ny alahady 23 novambra 2025 izao. Ny “Fraternità” kosa no mitady fotoana hanaovan’izy ireo ny fandiovana ny fiangonantsika ho an’ny volana novambra 2025.
Amin’ny alahady 14 desambra 2025 no hanaovantsika ny “récollection” fiomanana amin’ny Noely 2025. Ao amin’ny fiangonana mahazatra antsika ihany no hanaovana izany (Chiesa San Macuto-Bellarmino). Mopera ZARA Jean Chris, avy amin’ny diosezin’Ambanja ary mipetraka ao amin’ny Collegio San Pietro) no hitarika izany. Mbola hampitaina amintsika eo ny antsipirihan’io tontolo andro io.
Iomanantsika dieny izao ihany koa ny hetsika hankalazana ny Noely (hirahira, fampisehoana…) izay hataontsika amin’ny alahady 28 desambra 2025. Any amin’ny Collegio San Pietro no hanaovantsika izany (viale delle Mura Aurelie, 4, 00152 Roma). Fandraisana anjara malalaka toy ny olon-dehibe, tanora, ankizy. Azo atao miendrika vondrona, gropy, tarika manokana na mandeha irery ihany koa. Mila misoratra anarana mialoha fotsiny mba hahafahan’ny mpikarakara mandamina.
Mirary herinandro sambatra ho antsika rehetra !
P. Pascal, s.j.