Miarahaba antsika rehetra,
P. Toky no nitarika ny lamesa tamin’ny alahady 23 novambra 2025 teo izay nankalazantsika an’i Kristy Mpanjaka. Teo niaraka taminy ihany koa i Mgr Fidélis, evekan’Ambositra, sy ireo pretra 6 mirahalahy : José, Nicolas, Rémi, Barnabé, Pascal ary Joslin. Ity farany moa dia sady teo amin’ny fitendrena ny zavamaneno niaraka tamin’i Mr Silvestro. Ny ELVIR kosa no nanomana sy nanentana ny litorjia.
Anjaran’ny « Fraternità » ny fanomanana sy fanentanana ny litorjia amin’ny alahady 30 novambra 2025 izao. Marihina fa taom-baovaon’ny Fiangonana io : alahady voalohany amin’ny Fiavina, taona A. Ny “Fraternità” ihany koa ny hitady fotoana hanaovan’izy ireo ny fandiovana ny fiangonana San Macuto-Bellarmino ho an’ity volana novambra 2025 ity.
Hamasifina eto fa amin’ny alahady 14 desambra izao isika no hanao ny “récollection” fiomanana amin’ny Noely 2025. Ao amin’ny Chiesa San Macuto-Bellarmino ny toerana ary i P. Zara Jean Chris no hitarika izany “récollection” izany.
Hamafisina ihany koa ny hetsika Noely hataontsika any amin’ny Collegio San Pietro (Viale delle Mura Aurelie, 4, 00152 Roma) amin’ny 28 desambra izao. Miomana dieny izao isika amin’ny fandraisantsika anjara amin’ny fanamasahana izany (hira, tantara…) na olon-tokana, tarika na gropy, fianakaviana, fikambanana… Tsara ny hahalalana mialoha ny mpandray anjara mba hahamora ny fandaminan’ny mpikarakara.
Mirary soa antiska rehetra,
P. Pascal, sj.