Miarahaba antsika rehetra !
Môpera Nicolas no nitarika ny sorona masina ny alahady 23 febroary 2025 teo ; niara-nanolotra ny sorona masina taminy ry môpera José, Joslin ary Pascal. Ny ELVIR kosa no nanomana sy nanentana ny litorjia ; môpera Joslin no teo amin'ny fitendrena zavamaneno.
Tamin'io alahady io ihany koa dia nisy ny fifampiarahabana tratry ny taona 2025 nataon'ny "Zanaky ny diosezin'Ambanja" teny amin'ny Université n'ny salezianina ; fotoana manokana nandraisan'izy ireo sy niarahabany an'i Mgr Donatien, evekan'Ambanja, izay nandalo teto Roma. Toy izany ihany koa, nanao fifampiarahabana tratry ny taona 2025 ny vondrona ELVIR, izay nataon'izy ireo tao amin'ny Residenza San Pietro Canisio.
Amin'ny 1 marsa 2025, alahady faha-8 mandavantaona D, dia anjaran'ny "Ekipa sôlida" indray ny manomana sy manentana ny litorjia. Ny "Fiombonan'ny pretra sy relijiozy" kosa no mitady izay fotoana hahafahan'izy ireo handio ny fiangonantsika, san Macuto-Bellarmino, amin'io volana marsa 2025 io.
Amin'ny alatsinainy 3 marsa 2025 izao, amin'ny 6:30 hariva aø amin'ny Fiangonana Protestanta IV NOVEMBRE (akaikin'ny Piazza Venezia) dia hisy fampianarana miaraka amin'i Rév. Dr Irako Andriamahazosoa Ammi, Filohan'ny FJKM. Zava-dehibe ho an'ny VOMM FJKM Roma io fotoana io ka anasan'izy ireo antsika.
Mirary herinandro sambatra ho antsika rehetra !
P. Pascal, sj