Miarahaba antsika rehetra !
Tontosa tamin’ny 23 marsa 2025 teo ny “récollection” fiomanantsika amin’ny Paka. Natomboka tamin’ny fankalazana ny sorona masina izany, alahady fahatelo amin’ny karemy. P. Nicolas no nitarika ny sorona masina, niaraka tamin’i môpera Fulgence sy Pascal ary Joslin. Ity farany moa dia sady teo amin’ny fitendrena zavamaneno ihany koa. Ny ELVIR kosa no nanomana sy nanentana ny litorjia. Taorian’ny lamesa dia niroso tamin’ny fizarana ny hafatry ny Papa Fransoa ho an’ny karemy 2025 – “Andao hiara-dia ao anatin’ny fanantenana”. Avy eo notohizana tamin’ny fotoanan’ny sakafo. Nanomboka tamin’ny 2 ora tolakandro kosa dia nizara gropy vitsivitsy ka niroso tamin’ny fifampizarana nataon’ny tsirairay tao anatin’ny gropy. Nofaranana tamin’ny vavaka miaraka ny “récollection” avy eo.
Amin’ny 30 marsa 2025 – alahady faha-4 amin’ny karemy (D) – dia anjaran’ny “Fraternità” ny manomana sy manentana ny litorjia. Hisy “chocolat chaud” amin’io fotoana io. Ny ELVIR kosa no hitady fotoana handiovan’izy ireo ny fiangonantsika San Macuto ho an’ny volana avrily 2025.
Mirary soa antsika rehetra !
P. Pascal, sj