Miarahaba antsika rehetra !
Mopera Faly no nitarika ny sorona masina ny alahady 26 janoary 2025 teo, notronin-dry môpera Eugène sy Barnabé. Ny ELVIR no nanentana ny litorjia ary môpera Joslin no teo amin'ny fitendrena zavamaneno.
Hankalaza ny nanolorana ny Tompo tao an-tempoly sy ny fetin'ny jiro masina isika ny alahady 2 febroary 2025 izao, ka ny "Ekipa sôlida" no hanomana sy hanentana ny litorjia amin'izany. Samia mitondra labozia. Aorian'ny lamesa dia hisy ny "chocolat chaud" ka samy miomana izay afaka mivimbina zavatra kely ho amin'izany.
Anjaran'ny M.D.M.K. ny mitady ny fotoana hanadiovan'izy ireo ny fiangonantsika, San Macuto-Bellarmino, amin'ity volana febroary 2025 ity.
Aza hadino ny fihaonantsika, fifampiarahabana tratry ny taona 2025, izay hatao eny amin'ny Parrocchia S. Maurizio Martire - Via del Poggio di Acilia, 110, 00126 - ny alahady 9 febroary 2025 (jereo any amin'ny facebook Ankohonana na WhatsApp Rasoamanarivo ny fomba fihazoana ilay toerana). Hatomboka amin'ny 10 ora maraina ny sorona masina amin'io andro io ; avy eo tohizana amin'ny fiaraha-misakafo sy korana isan-karazany. Amin'ny 5 ora hariva kosa dia handamindamina ny toerana isika alohan'ny handaozana azy.
Manasa antsika rehetra ny "Masera Petites Servantes du Sacré-Coeur" mba hiaraka hankalaza amin'izy ireo ny fetin'ny Olontsambatra Anna Michelotti ny 1 febroary 2025 izao ; amin'ny 4 ora tolakandro ny sorona masina izay hatao ao amin'ny "Chappelle n'ny Communauté, Via Adriano Balbi, 15.
Mirary soa ho antsika rehetra
P. Pascal, sj