Miarahaba antsika rehetra !
Ny “Fraternità” no nanomana sy nanentana ny litorjia tamin’ny 30 marsa 2025 teo, alahady fahefatra amin’ny karemy, taona D. Mr Silvestro no nitendry ny zavamaneno. Môpera Joslin kosa no nitarika ny sorona masina. Taorian’ny sorona masina moa dia nisy ny “chocolat chaud” nifampizarana.
Tamin’io alahady io dia niara-nanao fivahiniana masina tao amin’ny Vatican ny pretra sy relijiozy malagasy ; nanao “procession” niditra ny “porta santa”. Notohizana tamin’ny lamesa sy sakafo tao amin’ny “Residenza Canisio”. Kely ihany ny chapelle nomanina tamin’ny sorona masina – satria nisy nitsangana nandritra izany – kanefa nahafinaritra sy nahavelom-pisaorana an’And/tra ihany koa ny nahita ireto pretra sy relijiozy vory maro be tamin’io fotoana io. P. Mamy no nitarika ny sorona masina ary P. Laurent no nivaofy ny tenin’And/tra.
Amin’ny 6 avrily 2025, alahady faha-5 amin’ny karemy (D), dia anjaran’ny “Ekipa sôlida” ny manomana sy manentana ny litorjia. Ny ELVIR kosa no hitady fotoana hanaovan’izy ireo ny fandiovana ny fiangonantsika ho an’ny volana avrily 2025.
Manakaiky ny paka ka toy izao ny fifampizarantsika ny andraikitra amin’ny litorjia mandritra ny “triduum pascal”:
Alakamisy masina : ny pretra sy relijiozy manentana ; ny M.D.M.K. manao ny vakiteny I ; ny ELVIR vakiteny II ; Fraternità sy Ekipa sôlida manao ny ranombavaka.
Zoma masina : ny M.D.M.K. manentana ; ny ELVIR vakiteny I ; Fraternità manao vakiteny II ; Ekipa sôlida sy ny pretra/relijiozy manao ny ranombavaka.
Sabotsy masina : ny ELVIR no manentana, ny Fraternità no manao ny vakiteny I ; Ekipa sôlida ny vakiteny II ; pretra/relijiozy vakiteny III ; M.D.M.K. ny vakiteny fahefatra. Ny ranombavaka kosa dia itambarana. Marihina fa hisy batemy (katekomenina) amin’io fotoana io.
Amin’ny alahady 6 avrily 2025 izao, aorian’ny lamesa, no hiaraka hanomana ny litorjian’ny “Triduum pascal” ny Biraon’ny Ankohonana.
P. Pascal, sj