Mandritra ny sorona masina hotarihin'ny Papa François ao amin'ny basilika San Pietro Vatikana ny sabotsy 29 jiona 2024 izao, dia hisy ny fitsofan-drano sy fanolorana ny "pallium" ho an'ireo arseveka vaovao ; ny pallium izay tandindona lehibe manambara ny andraikitry ny arseveka izay toy ny mpiandry ondry mitondra an-tsoroka ny ondriny. Isan'ireo handray ny pallium i Mgr Gustavo Bombin Espino, arsevekan'i Toliary. Hanotrona azy noho izany isika amin'io andro io : sorona masina ao amin'ny basilika S. Pietro amin'ny 9:30 no manomboka ; avy eo dia asaina isika rehetra hiara-hisakafo sy hikorana ho fandraisana ny arseveka sy hirary soa azy amin'ny andraikitra lehibe fonosin'ny maha-arseveka azy. Ny toerana hisakafoanana dia tsy lavitra ny Place St Pierre fa ao amin'ny Residenza San Pietro Canisio, via dei Penitenzieri, 20 - 00193 Roma.
P. Pascal S.I.